المشاركة الأصلية كتبت بواسطة بيان الصمت

=ابو تركي
يامستشار المثـل والقيـل=سلام يرسي علـى راسـك
الشمس يعقل تجي فالليـل=ياللي كما الشمس احساسك
=بيان الصمت
ترحيب ياللي تضاهي سهيل=لك نظرة الطيب من ساسك
معقول حتمـاً بـلا تأويـل=لو كان بالقلـب مقياسـك
=ابو تركي
يوم اختلف منهج التفصيل=تخالف الكل فالباسك
ابن الوطن يطلب الترحيل= مادام ما ميزوا ناسك
=بيان الصمت
اللي برايه يبي تفضيل=مايجبرك تخلف قياسك
وراعي العقل ما يواجه جيل= إلا بحكمة فكراسك
=ابو تركي
ما ميز البن ذاك الهيل=ما ميزه غير محماسك
لاصار وعد السحابه سيل=بيهل لا كان متماسك
=بيان الصمت
دام الرجا بالسحاب مخيل=لا تضرب أخماس باسداسك
اسعى لوافي الوزن والكيل=وطمِّن على ذاك جُلَّاسك
=ابو تركي
تعدى فؤادي بحور الويل=واشرف على الدر والماسك
رسم المثل ارسمه بالحيل=واخط حرفه بكراسك
=بيان الصمت
في قافكم يتضح لي ميل=خطيت به كامل اقواسك
عن الهدف مالنا تحويل=لا يتوه فالدرب هوجاسك
والحق ما يلزمه تعليل=ولا تخلفه قرعة اجراسك
وابني على محكم التنزيل=ما تحيد لا صار نبراسك