مرسلت بالمكتوب جمسـن ولاجيـب=ولابـه بعيـر مهجنـن فـي نعامـه
توه شباب ولاشمط عارضـه شيـب=والعـرف ماتبنـي عليـه الغشامـه
ولاقول من بعده على شامـخ النيـب=ولافيـه داعـي لاشـداد ومسـامـه
ولاقـول أنـا ياطيـر ود المكاتيـب=ولاأرسلت بالمكتـوب ورقـا حمامـه
حيثـن نفسـي ماتحـب الاكـاذيـب=وأرض اليمن ماشدده لـرض شامـه
سلمت خطي من يدي في يـد الذيـب=رجلن مسلح مـن خـوال وعمامـه
ويحسب حسابه يوم داع المواجيـب=لاقـال مـن قولـه تـزول الملامـه
سبـاح يسبـح ناسفـات الجلابيـب=مثل القمـر يجـلا جهـام الضلامـه
حرن تعلـى فـرق عـال المراقيـب=شاعر مع الشعـار محسـوب زامـه
حامـد كفـاه أشرارهـا والنواشيـب=قولـه جميـل أبقـاه ربـه ودامـه
البال يصغي مع أنضـاف الهناديـب=لامن أبـو عـادل تهيـض غرامـه
مايخـذ إلا الوافيـات الاصاعـيـب=والعرف والحكمـه مصـادر كلامـه
مابه دعايه خالـي الشـك والريـب=ومن كـذب الواقـع تـراه الخمامـه
أحكمتهن وجنب عن الميـل تجنيـب=ونبي أبـو عـادل يجيـد أهتمامـه
ومعرف مايخط النياشيـن ويصيـب=ويحري بحل اللـي تعسكـر بهامـه
وأبيك ياحامـد علـى حلـه أتجيـب=وحلل لنـا الرجـال وسـرار عامـه
أنشدك عن رجـال ينبيـك بالغيـب=غيبـن عليـه العـام يبنـي خيامـه
أسمه ردي من موقعه لايـح الشيـب=وعنده على سـر الخوافـي علامـه
وأنشدك عن اللي صار في حال تعذيب=هرشن تبـي قـردان زوره سنامـه
تبـي سنامـه دابيـات الدبـاديـب=مكسـور والله ماتجـبـر عضـامـه
والحـر ياقـع نايفـات النبانـيـب=والله خلق لـه فـي حياتـه كرامـه
ومنا نصنـك يابـو عـادل جناديـب=صوبـك عليهـن كاتبيـن السلامـه

سر ياقلم سجـل وعجـل بتربيـب=حتى مـرد القـاف يافـي تمامـه
من هاجسن لاجاه داعيهـن يجيـب=بدع المثايل هـو هـواه ومرامـه
لاحل به داكـوك بيـن المحاديـب=حضر لهن وأحضر وطاب أنسجامه
يامرحبا في خط مـوف المواجيـب=خطن لبـو مشعـل تفنـن برامـه
لافكـرت ببيوتـه تثيرالتعاجـيـب=بيـن المعانـي والبيـوت ألتحامـه
شاعر وله منزال ثابـت ولايغيـب=حقه مع أهل الشعر ذروت سنامـه
راع البيوت اللي على فـن تاديـب=وليا عقد له عقـد تسعيـن قامـه
وفيهن من أسهوم الرماح الذواريب=ون ذعذعت موجن يزود ألتطامـه
أعطاه رب البيت معطى المواهيـب=وبالعرف والحكمه حكيـم أحتكامـه
وفرق المصفا عن سريب المشاريب=فرقن مثل فرق البيـاض وجهامـه
وعلم الصحيح يقال له صح ومصيب=والحر حر وفيـه فـرق الصرامـه
كيفه مع أهل الكيف وزن الشواريب=ومن يازن الميزان يعـرف جرامـه
وفيهن يبي للغز شرحـن وتعريـب=وذبح الهدف لامن تساقت أسهامـه
الرجل الاول فيه حـرش العراقيـب=تعرف بغيبـن يالسنافـي شمامـه
تعرف به البل بين حيل ومكاسيـب=تعرف قبل واليـه ينشـز عظامـه
والرجل الاخر من صوابه فلا يطيب=وأضنهـا حتـى تقـوم القيـامـه
من وقتنا فيه الجـروح المعاطيـب=فيه الجـروح اللـي أزود أسقامـه
على الليال الماضيـات الذواهيـب=ينعـى عليهـن ويتزايـد أهيامـه
هبت عليه اليـوم ريـح النواكيـب=حتى غـدا جـوه كتـام وعسامـه
كثرو عليـه منصبيـن النواصيـب=كثرو عليه وصـار شبـه أنعدامـه
كلن يقول أنه عطيـب المضاريـب=شاعر وعارف من رجال الفهامـه
دايم عيونـه بالمجالـس مشاحيـب=اللي على عكس الخلايـق نضامـه

أرسلت بالمكتوب عجل المناديـب=شيهان لاحـرن ولاهـي حمامـه
طيور الخليج مصخرات المهاريب=ياويل من تاخـذ عليـه أبترامـه
عز الله أنه راح في كـان ياديـب=ماينفعـه لـو يتقـي بالغمـامـه
للصاحب اللي منقع الجود والطيب=وساس المعزه مايجيبـه رخامـه
له وقعن مرموق بين الاصاحيـب=والمحترم يفرض عليك أحترامـه
قـل السـلام وللجديـد المكاتيـب=لايالرعـن لاتبتحـل فـي كلامـه
يشكرك بالمسحوب فن التلاعيـب=مثل النهار اللي يـزول الضلامـه
وجاك الكتاب وفيه لغـزن بترتيـب=أخذ ثمين القاف وأترك هلامه
أنشدك عن رجال في منضر الشيب=بينه وبين الناس فـرق وعلامـه
كم واحدن لاجاه يطعن به الطيـب=والناس ماسلمت بشكـر وملامـه
ماحز لرضاهم عطيب المضاريـب=يبي السلامه مير مامـن سلامـه
ولك التحيه دون شكن ولا ريـب=ياشاعر المعنـا قـوي الصرامـه
من هاجسن يشتاق نظم الهناديـب=ومساجل الشعـار غايـت مرامـه

حي الجواب الزين خال العذاريـب=يبني على روس الطوال أستقامـه
خطن لبو فايـز معـن المناجيـب=مواقفه فيهـا الوفـاء والجزامـه
الطيب ورثه من طوال الاشانيـب=وليا تقـدم مـن رجـال القدامـه
ويقول معجب في نضاف الهناديب=وكز البيـوت الطيبـات وسلامـه
عبدالله بن سمير ذيبن ولد ذيـب=ودايم ترى الطيب حفيظ ألتزامـه
ورحبت به ترحيب خالي من الريب=حيثن أبو فايـز رفيعـن مقامـه
قولك جميلن يابعيـد المحاضيـب=والصح من وقع الحقيقـه يدامـه
ماهو بريشن مع هبوب الهباهيـب=ولاهو سرابن مـن وراه الندامـه
والطيب وهبه مايجـي بالاطابيـب=ومن لاعشق له ميشـد أهتمامـه
أجواه صعبه ماتعيـش الدغاليـب=ويحرق صدا شمسه متين العمامه
ونبي نحل اللغز يامعين يامجيـب=لو كان من دونه تصـك الجامـه
اللغز حبلن في يديـن الجواذيـب=أليا خشر معنـاه زيـن أنتضامـه
لغزك يابو فايز عسا الظن ميخيب=هذاك من هانـه عـدوه وضامـه
الحل شيبن في يديـن الاجانيـب=يوم جاه دابه صار راع الخمامـه
وهذ مـردي ياسليـس الاساليـب=وقبل تحيات الوفـاء فـي ختامـه