الأوله :
سلام رديه على الاشراف ورجال القبايل
عداد نو الغيث يوم يقود من غزر المخايل
الربعه اللي تعرف القانون ورجال الأصايل
جينا نشرفهم في وقت الصوم ومن العايدين
الثانيه :
جيناك يامشعل لكم تشريف في ذيك العشيّه
وعدتنا مير الوعد ياصاحبي طوّل عليّه
انتم رجال القن والقانون ورجال الحميّه
لاوين ننظر في حراكم يامعين الصابرين

الأوله :
يامرحبا في مرحبا باهل المعزه والفعايل
ربعٍ لطيب افعالهم تلقى براهين ودلايل
ترحيبةٍ تمشي حثيثه بالوفا والراس طايل
الله يحييكم على التكميل ومن الفايزين
الثانيه
جيتوا على سبل الوفا ياهل الوفا ولكم تحيّه
تستاهل التقدير ياشيخٍ يشرفنا مجيّه
وان راد رب الكون جيناكم قبل عيد الضحيّه
هذا وعد منّا وحنّا في وعدنا حاضرين