سلام صادر من الاعماق = يفوق في طيبه الاوصاف
يحمل لكم فايق الاشواق = يالشاعر اللي يصون القاف
ترحيب ينبض به الخفاق=لاهل المراقيب والمشراف
دايم على الطيبة سباق=يامن لكم فالوفا ميقاف
في غبيتك صاحبك فقلاق = بشر عسى ملفاك اخلاف
ومن بعدها شعرنا ينساق = نمشي لحن نقفله بال آف
هذا نبا طيب الأعراق=واخوك سالم مع الصياف
واليوم جو المعاني راق=هات المثل واسمع الإنصاف
شرواك راعي ادب واخلاق = وللمشتكى يرد بستلطاف
شمس الفرج ابطت الإشراق = والود كمل سنه منشاف
للقيل فنه وله ذواق=وشرواك اعده من العُرَّف
دون الأمل لا تحط اطواق=خلك لحين السبب وقاف