في كل طيب لي مخامن وهقوات=تبقى الجبال الراسيه في ذراهـا
مثل العدود اللي عليها مجمـات=الكل وقت القيض ينعـم بماهـا
نفسي تعاني من هموم وصعيبات=لمت على القلب المعنـى غثاهـا
مرات اهوجس بالفلاء والطويلات=ابغى دوا روحي من ابعد مداهـا
فيها اتهيض وانتشي بالفسيحـات=اروي عطش قلبي من زلال ماها
ارتاح واروح بروحـة وجيـات=تجلى عن النفس الحزينه اساهـا
يازينها وان شفت ذيك الطريدات=من طيرها ووعولهامـع ضباهـا
اطرد وراها واتنقـى السمينـات=واشب ضوي قبل ظلمة مساهـا
احمس قهوتي واتعلل برشفـات=تشفي سواميـر براسـي بلاهـا
اكل من الزاد الهنـي والملـذات=واخاطب نجوم السماء في علاها
وآخذ من النوم الهني كل مافـات=اصحى والآقي النفس باول صباها
تقبلوا تحيات=
أخوكم=
ابوزياد =
الــــــــشــــــــاااااااااامــــــــخ=