سلام وافـي وعليـه عتـاب=من قلب دايم و هـو يطريـك
النـوم كحّـل لـك الأهـداب=في لازمك يا فتى وش فيـك
يا مرحبـا و الملاقـا طـاب=و استانس القلب بين ايديـك
لو كان تدري عن المنصـاب=مالمتنـي بالـذي خافـيـك
عسى البقا و افتـح الأبـواب=و العلم هاته عسـى نعفيـك
معدود من خيـرة الاحباب =من عرق دمي رضى برويك
لي قلب مـن دورة الأسبـاب=ينبض بالأهات ليـن يدميـك
في صفحة الهم ليّـه كتـاب=فيه الأسـى بالبكـا يعميـك
أبكـي لحالـك و قلبـي ذاب=و يا ليت عندي دوا و أشفيك
لكـن ليّـه رجـا وحسـاب=لعـل رب القـدر يرضـيـك
ما عاد ليّه أمل يـا أصحـاب=غير الولـي يرفـق بغاليـك
و اللي رجا خالقه ما خـاب=اللي بجـزل النعـم يجزيـك