ماجد ابومديده=
باقي عليه الحبيب أيام=ويعود من رحلتُه سالم
سلام سُنه من الإسلام=عساك لمقابلُه والِم
عبدالعزيز العروي=
عدّا عليه المفارِق عام=وجميعنا للقا حالِم
ترحيب واجب عليه وسام=الله وحدُه به العالِم
ماجد ابومديده=
اليوم بآعفي عن الأخصام=من قلب وأسامِح الظالم
وأعيش دنيا الأمل قِدام=حتى يجي وقت وتسالِم
عبدالعزيز العروي=
مِنك العفو سيِّد الأحكام=مالم يكون الخصم قادِم
إما إذا إن الأمور جسام=خلك على الموقف الصارم
ماجد ابومديده=
لازلت في معمعه وعسام=حاير وطير الفِكر حايم
لجل إيش ماأعطيهم إسترحام=والأجْر يُحسب لنا دايم
عبدالعزيز العروي=
أخشى أنك إمطاوِع الأوهام=وشوقك على المسآله حاكِم
وإن كان شِفته على مايرام=قدام لاتآمنُه ساوِم
ماجد ابومديده=
أنا أعلم إن الخصم هدّام=دايم لنا ضد ومهاجِم
لكِن هذا الشهر حكّام=وشوف القرر الذي لازم
عبدالعزيز العروي=
دايم نديم الأمل فصدام=عليه حكم الهوى جازم
يبني مساعيه فالأحلام=ويحِّن قلبُه على الأثِم
ولو كل منهو لبس إحرام=ومع حُرمة الشهر متلائِم
لاكان شفت القلوب ليام=وكُلآ في ليل الهنا نايم