سلام وافي وعليه عتاب = من قلب دايم و هو يطريك
النوم كحّل لك الأهداب = في لازمك يا فتى وش فيك
يا مرحبا و الملاقا طاب = و استانس القلب بين ايديك
لو كان تدري عن المنصاب = مالمتني بالذي خافيك
عسى البقا و افتح الأبواب = و العلم هاته عسى نعفيك
معدود من خيرة الأحباب = و من عرق دمي رضى برويك
لي قلب من دورة الأسباب = ينبض بالأهات لين يدميك
في صفحة الهم ليّه كتاب = فيه الأسى بالبكا يعميك
أبكي لحالك و قلبي ذاب = و يا ليت عندي دوا و أشفيك
لكن ليّه رجا وحساب = لعل رب القدر يرضيك
ما عاد ليّه أمل يا أصحاب = غير الولي يرفق بغاليك
و اللي رجا خالقه ما خاب = اللي بجزل النعم يجزيك