سلامـي لكـم يالمنتـدى بالملايـيـن=انا فكرتـي ننظـم قصيـده جماعيـه
وكل شاعر ينظـم علـى اقـل بيتيـن=هدفنـا نطولهـا قصـيـده قياسـيـه
هلا بك وبالفكـره وحسـب القوانيـن=نبي نمشي الخطوة بصـوره نظاميـة
نبي لوحة(ن) شعرية(ن) تبهـر العيـن=بشعر(ن) جديد الطرح مافيـه هاويـه
ونبني بها معنى على الـراس والعيـن=تقومـون فيهـا يالزحـول النـداويـه
وننهج بها نهـج الصقـور المياميـن=ونـارد بهـا كـل العـدود الرهاويـه
وفـي منتدانـا للـريـاده عنـاويـن=مثـل فكـرتـك يـاراعـي الأولـيـه
ونبغـا نسايرهـا بسـلـم وقوانـيـن=علـى منهـج البـاري وسنـة نبيـه
ترى في بلادي الخير لكـل المسلميـن=بهـا عزنـا الله والمعيـشـة هنـيـة
وحكامها بالشـرع صـاروا سلاطيـن=وكـل(ن) بناهـا دون ربيـه ومريـه
شعارلها نخله وعلـى البـاب سيفيـن=ومن هـو نواهـا بشـر ذاق المنيـه
بهـا خصنـا الله بالجزيـرة ببيتـيـن=سعدنـا بخدمتهـا بحـب وطواعـيـه
والى جو ضيـوف الله مرحـا واهليـن=ليقضـوا مناسكهـم بيسرورفاهـيـه
شعار الوطن نخله لرمز الكرم والليـن=لها ذكر فـي القـرآن رطبهـا جَنِيَّـه
وسيفين يشق المعتدي صـار نصفيـن=وحنـا لهـا بالـروح نفـدي هـديَّـه
وحنا حماة(ن) لها علـى العسروالليـن=عن أشرارخلـق الله عيـال الحراميـه
متى ما دعـى واجـب فحنـا ملبيـن=نقول ابشري، كـل(ن) يـردِّد عزاويـه
علـى سنـة الله والرسـولِ الأمـيـنَ=نعم نحمـد الله كلنـا فـي السعوديـه
علـى نعمـة الله شكرنـا مستعينيـن=على البِر والتقـوى عـزوم(ن) قويـه
و من يستعن بالله و يخزي الشياطيـن=يحصِّل، مع التوفيـق، مجمـل أمانيِّـه
و على صدره السامي يعلِّـقْ نياشيـن=و يبعد عـن دروب اللّعيـن و بلاويِّـه
وحنا على الاسلام دعاة (ن) مستقيمين=الى العالم رسالتنـا رسالـه سماويـه
ومن يهتـدي يلقـى سعـاده بداريـن=ونفسه مطمئنه راضيـه دوم مرضيـه
عسى الله يكفينـا شـرور الحسوديـن=و عسى من زرع له شر يحصد مساويِّه
و عسى بلادنـا تفلـح بكـل المياديـن=وحنـا مـع القايـد نبـارك خطاويـه
بها شع نور الحق مـن فـوق غاريـن=على المصطفى محمـد شفيـع البريـه
رضا الله على الأنصار وكل المهاجرين=وعلى التابعيـن وإنَّـا معاهـم سويـه
عسى ديرة(ن) ضمت حراء و الحرمين=والانصار و اللّي هاجروا و الحساويَّـه
عساها تعيـش بعـز و بأمـن قرنيـن=مع الدِّين و اهل الدِّين تعمـر اراضيِّـه
عسى راية الإسلام فـي عـز ، آميـن=وللمسلمين النصـر وعيشـه أخويـه
ومن ينصر الله فاز فـي عـز داريـن=نصَرنـا بِـذي اليرمـوك والقادسيـه
بنقطف زهـور الشعـر ورد ورياحيـن=ونارد عـلا ذا الملتقـي كـل عشيـه
ويعيـال عمـي سجلـو بالـدواويـن=فعول الرجـال اهـل الكـرم والحميـه
مدام الله اعطاني كثير النعـم وطحيـن=أنا أشكـر وأعبـد ربـي أنعـم عليـه
ولايكمـل الرجـال مـن غيـر ثنتيـن=كرم مع خصـال الديـن يعلـو شويـه
نصرنا الآه الكون في معركـة حطيـن=نصرنا علـى كـل الغـزات الأوربيـه
وفي معركة جالوت هولاكـو و بنبنيـن=نصرنا علـى كـل الغـزات المغوليـه
ولايافتـي يفـداك ماقلـت راضـيـن=ولا عنـدنـا لربوعـنـا مشـنـويـه
اناوانت في ذا البيت سرنـا خشيريـن=ولامـن تكاتفـنـا ننـجـح قضـيـه
أساس الحضارة كلهـا فـي المياديـن=علوم الفلك والطـب وكـل الصناعيـه
ظهرها وطورها من أبناء هـذا الديـن=جعلنا أوروبا مـن جهلهـا حضاريـه
و ترانا علينا واجب(ن) حَـلْ ذا الحيـن=نبي نبني التاريـخ طيّـه علـى طيّـه
نبي نرفـع امّتنـا بصـف الجسوريـن=بصف الشعوب اللِّي قِبَلْ نارهـم حيّـه
وعمت حضارتنا مـن الأندلـس للصيـن=
ويوم أهـدى الساعـه الـى شارلمنيـن=زعيم الفرنجه خايف(ن) ، قال : جـِنـِّيـه؟!
لأنه ملك جاهل و مـن قـوم غاويـن=وجتهـم حضارتنـا و صـاروا بهاويَّـه
علوم الموسيقى، كيميـا و فسيولوجيـن=و علوم الحساب و هندسـة أو طبيعيـه
نفاخر بمسلم والبخاري وبن سيرين=وبن رشد وبن سينا إختراعـات طبيـه
نفاخر ببن هيثم كشف كيف تشوف العين=والإدريسي كشف للناس بأن الأرض كرويـه
دروب التميُّز غيـر عـرض الدلافيـن=تبي عـزم قـوّ احجـار مَقْلَـعْ "طميّـه"
و وقت(ن) مضى الرَّجّال عزمـه بعزميـن=و لا يُعْتَـرَفْ باللِّـي عـزومـه رديّــه
أولو العزم كانوا من الرسل والنبيين=ومن سار سيرتهم عزومـه قويـه
وحنا على سيرة رسول المسلميـن=بكل الرسل نؤمن هـدات البشريـه