هذي ردود ( جودي ) 6 سنوات ...
1_ وش تسوي اذا صرت فـــآآضي ؟
أساعد أمي ... كذوبة حتى الموية توصلها لسريرها هههه
2_ اذا فزت بـــ 1000 ريال وش رآآح تســـوي فيــــها ؟
اذا فزت بـ 1000 ريال أهدي أمي وأبوي وكل أهلي ...
هنا ايضاً كذوبة ... مستحيل تهدي غير ماما وبابا ...
أبخل طفلة بالعالم هي .... ههههه
3_ وين ودك تســـــآآفر في الآجــــآزهـ ؟
الأردن ... مدري من وين جايبتها ... احنا حدنا الطايف وندوير
قبل نوصله أحيان ... وكم مرة الكنق يتحايل نبي الجنوب بس
بحكم انه متزوج أمي العزيزة التي تخاف من ظلها وبحكم اني
بنته أخاف بعد من ظلي نرفض السفر ولو على كيفنا مانسافر
لي أكثر من 20 سنه وأنا أمتر طريق القصيم وينبع وطريق
الطايف وينبع جاتني جلطة كرهت السفر ...
4_ لو صرت مديــــر مدرســه وش بتسوي !!
اذا صرت مديرة مدرسة خلاص أصير مديرة مدرسة ...
تحسب المديرة وظيفتها مديرة بس يعني خلاص ماتسوي شي ...
يالبى قلبها ... وقلب أختها ... وقلب عزوز ( وش دخله ذا ) هههه
5_ تحبــــني يا....؟ طيب ليـــش؟
قلت تحبيني جودي قالت ايه أحبك ... قلت ليش صرخت
وقالت ماااااااااااااالك شغل ... الله الغني عن حبك هههه
6_وش تعــرف عن :
الأنسولين: ايش هذا ...
الأنترنت: ألعاب ويحل لي الأسئله هههههههه
مجلس الشـــورى: مجلس مين مادري ايش ...
الأتيكيت: ايش هذا ...
التعليم العالي: ايش هذا ...
الماركه: ايش هذا ...
الستلايت: ايش هذا ...
وفي الأخير قالت هذي ايش قلت هذي اسئلة يقولون اسألي فيها
اخوانك الصغار ...
مشيت من عندي ورجعت قاااااااالت اكتبي لهم ...
(( كلكم أغبيااااااااااااااااء )) ههههه ...
؛
؛
؛
أنتظر اجابة بزارينكم ههههه