بعد انقطاع طويل عن ملتقى القوافي ها أن اعود والعود احمد
قصيدة ليست طويلة سبق أن نشرتها في السجن الأدبي لزميلتنا
المتميزة (لمعة الجليد) وها أناأنثرها للمرة الثانية ولكن هذه المرة
على صدر القوافي أرجوأن تعجبكم000000000000
(
ألا ياللي
)
الا ياللي تون من الثقالي=ومن جور الظروف اللي محيطه
تصبرلاتزلزلك الليالي=ولاتجزع ترى الدعوة بسيطه
ولاتضعف ولوجافاك غالي=تناسى عشرته وامسح شريطه
ولاتندم على ذيك الخوالي=وخذفنجال من راس النشيطه
وكم قلب(ن)فبحر الحزن مالي=غرق في غبته كامل محيطه
أقوله والأسى فالجوف كالي =عميق الحزن وبحوره غويطه
أنا00لا واقعي ولاني خيالي=أنافي منطقة حرة وسيطه
وليه كلمة(ن)لازم تقالي=ولي أفكارماهي بالعبيطه
وشعري تاج راسي راس مالي=كتب أسمي على وجه الخريطة
قطفته قطف من روس العلالي=ثمار(ن)طيبه ماهي لقيطه
ولاأقول أنه تعلا كلاعالي=لكن00المسك ماوافق خليطه