المشاركة الأصلية كتبت بواسطة صقر المراقيب

بعد سلام اللي بكم زايد إعجاب = ياصاحبي احمد ياعز الحبايب
بشرح لكم وضعي ولاني بكذاب = ومن لا نطق بالحق ياناس خايب
يابو امل قلبي من الهم ماطاب = ولاهقوتي انه عبر الايام طايب
سألت قلبي قلت ليه السلا غاب = جاوب طبيعي دامه الزين غايب
مسكين من مثلي من الناس منصاب = ويشوف في وقته جميع العجايب
قلبي غدا للهم منبر ومحراب = صلى صلاة اللي عن الذنب تايب
وطبيعتي رجال مشكي ولاارتاب = وانكان باح السد هذي غرايب
حشت المراجل كلها داخل اكتاب = اخذتها دراسه على يدين شايب
لكن الهوى يااحمد يقولون غلاب = وياما غدا برجال تحت النصايب
وانا غلبني فالهوى سيد الاحباب = بعد السلا عايش بهم وكئايب
حبه شبكني شبكة الشبك لعقاب = ليته يشوف الحال وشلون ذايب
هذا هو المضمون يانسل الاطياب = عبر الفضا جالك بليا ركايب
وختامها صلوا على عز الانساب = اعداد ماتدفع رسوم الضرايب