القصيري=
سالم ولد شلاح خربان طبعه = ينفخ على الضيفان لا شاف ربعه
والرس مابروي ليا مات نبعه = هذ الصحيح وقولو اللي تقولون
ياهجوسي سيري واطرقي باب الصوب = والعلوم الطيبه سوقنا من سوقها
والله انه صاحب(ن) لي من اعز الصحاب = ياحرارً للمراجل تتل سبوقها
سالم الشلاحي=
ما اضيق الضيفان انا ياسليمان = اقابل الفريس في كل ميدان
مبر انت لو امدحك زعلان زعلان = هذا الصحيح و .............
ياوسيع المعرفه صك باب وفك باب = والثمينه طول الايام في صندوقها
لا يهمك قدمك مطير متعبة الركاب = وانت دل الدرب والناس دون حقوقها
سليمان القصيري=
من ضيع المعرف ياناس ضايع = بعد جمعنا الله وسط البدايع
في ديرت الاصحاب والجو رايع = هذا ..............................
ياشبابه من حضر سد عن روس الغياب = وان لقينا العاصيه فالعصا من فوقها
معك حرب اللي تحفض الرساله والكتاب = وان لقينا البنت فابعد وانا معشوقها
الشــــــلاحي=
طبع السعودي يفتخر بالسعودي = وانتم ميت عود وبقي بس عودي
ياحرب روحي للبحر بس عودي = هذا ..............................
مالك الا رمح عنتر وشلفا بن ذياب = لين ما عمرك تخم العرب بحلوقها
نعم في ثلثين والثلث ا لاخر لذهاب = ما تضلل شجرتن يابسات عروقها
القصـــــــــــيري=
لاتاجر التجار من دون تجره = حنا لونا عود(ن) يضد شجره
اطيبكم اللي راكب تكسي اجره = هذا .......................
حرب دايم راسيه مثل راسية الهضاب = والثريا لو بغينا طلعنا فوقها
ابن ادم من تراب(ن) معود لتراب = نعرف رحال الوفا زين : من منطوقها
الشـــــــــلاحي=
حنا هل النخوه عيال الحمايل = وحنا قبيلتنا تضد القبايل
امسك طريقك لاتضيع القوايل = هذا الصحيح و ........
لن بغيت الصدق انا بيني وبينك حساب = الحلاوه ذوقها والمراره ذوقها
اشهد ان البحر ما ينتشبه بالسراب = مصر دوله وانت بالقبر يافاروقها
القصيـــــــــــــــــــــري=
اللي زعل يصفق براسه طميه = حنا قبيلة حرب في كل هيه
ياسالم ابن زياد لا تصير عيه = هذد الصحيح وقولوا اللي تقولون
فيك ريشة حر(ن) اشقر وربشه من غراب = يامل اللي سمها سال بين شدوقها
والله انك ما تدور ورى عوج الرقاب = تحسب انك سابق القوم يامسبوقها