متى كان الحزن ليلة .. تمرك ياأجمـل العشـاق= أنا أحس الحزن ماله طريـق لعالـم عيونـك !!
أمانه لاشعـرت إن النـدم يستوطـن الأحـداق= وخذتك لغربة أيام الغـرام المتعـب ظنونـك !!
تذكر من طواه الشـوق بيـن الحبـر والأوراق= وضاعت أعذب سنين الحياة الحلـوة بدونـك !!
وأنا لاهبت ريـاح الوفـا ولاجيتنـي مشتـااااق= بقول أني ( ولدت وعشت ) كل العمر مااخونك !!
هنا لك موطن ٍ مذهـل بنيتـه داخـل الأعمـاق= وهناك أطماع عذال ٍ إلـى الفرقـى يودونـك !!
حبيبي يابعد صمت الجروح .. وثورة الأشـواق= إذا مريت مع درب اللقا الأول علـى هونـك !!
تسمَع زفرة الوجـد وخطـى لمعاتبـك تنسـاق= وحكايات الوعد وطيوفها اللي غنـت لحونـك !!
وعلمني إذا هـزك حنينـك .. وأتعـب الخفـاق= ولقيت آثار خطوات الفرح ودمـوع مجنونـك !!
ورجعت وماخذيت إلا العذاب وضيقـة الأخـلاق= تخيل بعدها وشلـون مـن حبـك ووشلونـك !!
أنا وأعـوذ مـن كلمـة أنـا بالواحـد الـرزاق= رسمتك آخر آمالـي .. ولابيحـت مكنونـك !!
وداعـا ً يانهايـات الهـوى دام الغـرام إفـراق= وسامحني على كاذب مواعيدي .. وممنونـك !!