راشد السحيمي
تعال يالقرقاح أنا و أنتـه ضيـوف
ليش المبارز بالخناجر و السيـوف
كل الامور تهون لأجل عيون نـوف
ماقدر المولى علـى عبـده يصيـر
ياسلامي سلامٍ فيه بعـض العتـاب
و العتاب الرجـال يصفـي قلوبهـا
العبيدي مقفل باب من شـان بـاب
و العرب دوبهـا متحملـه دوبهـا
فلاح القرقـاح
أنا حضرت و جيت في حفلة مطيـر
و لادريت أن راشـد هنيـا خفيـر
أثره من المغرب يلـف و يستخيـر
ماقدر المولى علـى عبـده يصيـر
مرحبا عد ماهلت مـزون السحـاب
في حفل عزوةٍ قامت بمـا جوبهـا
انتصرنا على الشيبان بعد الشبـاب
في ديارٍ يجيك الخير مـن صوبهـا
راشد السحيمي
ما أقول فيك قصور في كل الامـور
لكـن راشـد لايلـف و لايــدور
ارتاح في ليل التهانـي و السـرور
ماقدر المولى علـى عبـده يصيـر
أقروا الفاتحه و أقروا بعدها الكتـاب
و أحرموا و أدخلوا مكه و صلوابها
رحت للبنك قالـوا غلـق الاكتتـاب
و أنتقل من شمال الـدار لجنوبهـا
فلاح القرقـاح
اعرفك ياراشد تسـوي المستحيـل
ترقى سماء في كل يوم و كل ليـل
لكن شد الحيل و المسـراء طويـل
ماقدر المولى علـى عبـده يصيـر
نحمـد الله تلبسنـا نظـاف الثيـاب
و أن بغينا المشاعر نعرف دروبهـا
كل ليله تعشا لـك مشكـل كبـاب
و المدينه تكـرم وجهـك حروبهـا
راشد السحيمي
عندي علومٍ واجـده فـي خاطـري
لكـن هيـا درهمـي يافـاطـري
كـل الخـلاف بحاجـةٍ ماتنطـري
ماقدر المولى علـى عبـده يصيـر
جنحتلـك ذلولـك جعلهـا للذهـاب
كب عرقوبك اللي حـك عرقوبهـا
خطبة القاضي اللي مابعدها اختطاب
خربوهـا و لادري كيـف قالوبهـا
فلاح القرقـاح
مـادام جـدك مـن سلايـل جدنـا
اللـي مايطـرى لاتجيبـه عنـدنـا
مـن اللكـاعـه كلـنـا لابـدنـا
ماقدر المولى علـى عبـده يصيـر
حسبي الله على اللي سجلوك انتداب
و أنت لاجيت قبـه ينهـدم طوبهـا
كوبها فيه سم و فيه قطعـة عـذاب
جعلك تخاشر أم جنيه فـي كوبهـا
راشد السحيمي
ظلمت نفسـك يامطوعنـا الوفـي
الله يكافينـا مـن الشـرك الخفـي
ليتك تحـدث مـن بريـده لا نفـي
ماقدر المولى علـى عبـده يصيـر
أنت ماتدرلاي إني فـزت بالانتخـاب
من يعرف الجزيرة يعرف حروبهـا
راحن البيضتين اللي في عش الغراب
أسرقوهـا مطيـر و لاتهنـو بهـا
فلاح القرقـاح
انـا ليـا حدثـت طيـرت الـربـو
اللي في صدرٍ مضلـمٍ مثـل القبـو
ميـر اجبـو مايحـدث لـه جبـو
ماقدر المولى علـى عبـده يصيـر
و الله أن الضمير ارتاح و البال طاب
القاحطين ودوهـا و لاجوبهـا