أبغاك قاضي على دعواي = و تشوف منه الذي غلطان
ملزوم تنصف معي بالراي = في اللي أعدّه بلا نقصان
يا مرحبا بك على مبداي=والحق ثابت وله ميزان
وامشي معايه على ممشاي=ياتيك حكمي على البرهان
مرسول جاني بِعَزف الناي = لو تسمعه حَرّك الوجدان
بذلت له الجهد في مسعاي= و اليوم غيّر حروف الدان
لو اللحن وافق الحدَّاي=ما غيَّر الحرف والألحان
وما دمت لاهل الوفا شرَّاي=على السبب تعدل الميزان
حرفي نقشته بختم امضاي= و لاني على نقشته ندمان
المسألة تحتوي مبداي = و البحر ما يجهله ربّان
مبدا القضية حسب مرآي=فالعرف ما بينكم شتان
واصدرت لك فالأمر فتواي=اطوي سجله على ما كان