وش جاك ياشاكي من الوقت وش جاك= توك صغير ودنيتك تبتسملك
ماهولك بالوقت دورات الافلاك= في غفلتك عايش من اسنين كملك
منته مفرق بين خدك وعلباك= مريح كتوفك مابعد شلت حملك
ماشاف ضيم الوقت مثلك وشرواك= تسرح وتمرح بين ضانك وزملك
اكتاب واضح كل من جاك يقراك= درسك بسيط وطالبك مهتمملك
انا الوحيد اللي من الناس يدراك= ولاشفت مثلي فالعرب يفتهملك
اقولها من قلب ماني بنماك= عسى الولي يحفضك ويلم شملك
الشاعر/ خالد بن عبيد بن معتوق الاحمدي