وآحالي اللي غدت فرحه لعدواني = قصه تبكي لو اني جيت ابرويها
اليا انتهى هم ٍ تورطت بالثاني= من وين متوجه ابلش في بلاويها
شمل الاحبه تفرق صرت وحداني= وجروح قلبي غريقه في مداميها
من هول ماصابني ياناس حيراني= كيف البواخر تعدى عن موانيها
وقتي تردى معي ثم ٍ تحداني = روحي عليله يارب الناس داويها
يالله رجّع لنا عذبات الازماني = سنين ٍ مضت لي فؤادي سالي ٍ فيها
عمر ٍ قضيته فرح بوجود خلاني= ترجع مياهه تمشى في مجاريها
مافادني في همومي كثر كتماني= كتمتها مير ماقدرت اخفيها
في وصفها يصعب التعبير بالساني= والوقت ضيق ولا يسعف لحاكيها
الشاعر/ خالد بن عبيد بن معتوق الاحمدي