ماجد أبومديده=
إن كان لي عندكم خاطر = لك عندنا فالخواطر ضِعف
بس البلا طرفي الساهر=في مساومات العذاب يرِّف
ناصر الحجوري=
خاطرك غالي على ناصر = وغالى ياماجد عليّ الحرف
عطني سبب مِسهِر الناظِر= حتى عليه أطِّلِع واعرف
ماجد أبومديده=
دمعي على وجنتي قاطِر=همّال يكشِف نقاط الضعف
وإنته بها المعرفه فاسِر=تحسِب حساب السهر وتصُف
ناصر الحجوري=
كل عين همالها قادر = عنها يعبِّر ويستعطِف
ولوكان سر السهر ظاهر = على السهر والدموع اشرِف
ماجد أبومديده=
كيف أحتِمل والحِمل جاير=من شخص ناكِر حقوق الوِلف
بعد إمتلكني يابِن ظاهر=يبخل عليا بنظرة عطف
ناصر الحجوري=
لايضيق صدرك من الناكر = لا لحقه الوقت يستعرف
اليوم يقفي ويجي باكر = وعقارب الوقت ماتوقف
ماجد أبومديده=
انا اعلم إن الفلك داير=لكنُه الجُرح يستنزِف
سلطان قلبي ذكي ماكِر=وأخاف يستصغِرالموقِف
ناصر الحجوري=
فكرك معك لاتقف حاير= قدام غيرك عليه يلف
إلعب معُه لِعبة الشاطر = وإثقل على ملاوعُه لاتخِف
ماجد أبومديده=
أنا على ملاوعُه ماهِر=عقلي بالأفكار مايحرف
فتّان مغرور ومكابِر=جبرآ عليا معاه أضعّف
ناصر الحجوري=
مادام مجبور لاتشاور = حكم القوي يالطيف اللُطف
إخضع وبالضعف لاتجاهر =وإن جات عند المذله عف
ماجد أبومديده=
لجل إيش ماتقولّي ثابِر=يمكن عذاب العنيد يكُف
ممنون ياودي القاهِر=لجلي على الطِب مِتحسِّف
ناصر الحجوري=
إسمع حُكم شاعر لشاعر = يا صا حبي يا قبيل الصف
من عاش مأمور للأمِر= يسحن صبر للرضاء ويسف