لي مدة ٍ ياعرب مجروح = واضحك مع الناس وآ داري
اضحك وانا فالهوى مذبوح= ذبح الذي صابه الناري
الود كله ألم وجروح=فيه المسارات إجباري
هات المعاني بكل وضوح=ومن متى وضعك الجاري
بسباب عذب اللما مملوح = في قلبي هموم واكداري
عامين وآنا اجر النوح = محد ٍ من الناس بي داري
اكتم على سدكم لا يبوح=وخلك على ودك مداري
وفي حده اللي لكم مسموح=تشرح له الوضع والطاري
ما بالسوالم ولا مسروح = اللي تضرر كما اضراري
والصبر ماجابلي مصلوح= والدمع من عيني انهاري
لازال باب الأمل مفتوح=والياس لا تجيب له طاري
دام النجم في سماك يلوح=فيه المفاهيم للساري