الليله اللي لوّعتني يافهد=ليلة(ن)ماهي مثل باقي الليال
يوم طابت نومت اللي كد رقد=ارتحلني هاجسي اشد ارتحال
وضربت مزن الشعر برق ورعد=في سما حلمي وانا اخيل الخيال
انظم بيوت(ن)مثل نظم العقد=وتلا طم ابيات الشعر من كل جال
وقال المثل من جد باالدنيا وجد= انا اجتهدت ولاكتبت الا الجزال
قريحتي تنتج ثمرها وتحصد= قصيدة(ن)تطغى على معنى الجمال
شاعر صريح ولا عليه من احد=ولااقول الا الذي فعلا يقال
للشعر انا عندي وكيل(ن)معتمد=في ساحة الشعار يضرب به مثال
الاكلبي ومعروف بان اسمه سعد=يطرب لشعره الفاهمين من الرجال
تطري عليه افكار ماتطري لاحد=فكره سما وقصايده صم الجمال
والذي رافع سماه بلا عمد=شعّار هاالساحه لحال وهو لحال