الليلة البرق شامي واسمع دنين الرعد فيه= واليا اصبح الأرض ممطور استر قلبي وعيني
صياف في كل عامي ينوي بقتلي وأنا أنويه= لكن مطلق ومستور يقفون بينه وبيني
الليل شد الحزامي ياللي تشده وترخيه =سمعت لي صوت ماطور خرب عليك الطحيني
أنا مسكت الحرامي ويعلم إنك بناخيه =عساك ما تشهد الزور بين الخصوم الثنيني
أحسن لك أسمع كلامي والدرب لا عاد تخطيه =مجبور أراجعك مجبور والا ما اجيك وتجيني
يا غايتي يا مرامي والبيت بانيه راعيه= وابليس ميت ومقبور من جملة الميتيني
هات العشا واليدامي والضيف يالله تحييه =والصبح نعطيك باكور إن كان عندك يديني
أثرك جيعان ظامي واللي تجيبه توديه= والصبح شفتك على النور بين النمر والحصيني
ياللي في خشك عرامي قرب وحنا نداويه= واليا ارتكينا على الكور سلم يمينك يميني
أنته منول نظامي تبيع علمك وتشريه =واليوم(هـ) اتلف واتدور بين عرفة والقريني
طاح الحبل بالمقامي والحبل طاحت عراويه =ياعنتر ابعد عن الثور تراه شرس وسميني
حملك ثلاثين عامي وش بك عليه توديه= إن كان عجزان معذور خلك في حصن حصيني
الثور جاله سنامي لكن أنا واين أوديه =بغيت أدقه على الزور واليا ان طبعه لعيني
قطعت لي بحر طامي يوم انت تمشي تباريه= واللي قطع سبعة بحور يبشر بسمن وسميني
يا طيبين الاسامي ذكوه والا بأذكيه= واعطوني اصحون واقدور قبل الولد يشتكيني
ياللي بلعت الطعامي والفرض ما أنته مصليه =ما تدخل الجنه الحور وأنته تعرف الرطيني