صراحه من زمان ماكتبنا شي في ملتقانا العزيز
ولكن ... يالله مشاغل الدنياء الله لا يشغلنا إلا في طاعته
المهم ... وهذا هو مايهم الكثير و هو ممنوعات مسموح بها ؟!
حبيت اليوم ياربعي أن أتكلم في الممنوعات المسموح بها ؟!
و بكل صراحه ناقشتها مع شلتي الثلاثي المرح
( عبود و سعيدان و مناحي )
مع الإعتذار مقدما لو صادف إن أحد الأعضاء يملك هذه الأسماء ؟!
وهذه صورتهم
بداء أخونا عبود و قال :
ليش ياجماعة الخير يوم نكشت دايم نصادف لوحه مكتوب عليها
منطقة عسكرية ممنوع الإقتراب و التصوير ؟
رد عليه سعيدان و قال خبرك عتق يامال العافيه هاحين فيه قوقل أرث مدوخ الدنيا و يسوي كل هذه الأشياء ولا يحتاج أن يكتب ذلك ؟! لأنها صارت من الممنوعات المسموح بها بالغصب يمكن ! ههههههه
المهم بعد ماتقهوينا نقز المصفوق عبود و قال هالحين ليش الإختلاط ممنوع ولكنه مسموح به في منتديات الأنترنت ؟! ... مسوي فيها ذكي !
رد عليه سعيدان وقال هم أصلا وش يدريهم ؟! خخخخخخخخخ
لكن فعلا الإختلاط ممنوع و لكن مسموح به في نفس الوقت !
عاد هالحين قام مناحي و قال تكفون أبغى واسطه أدور على وظيفه و تراني
راح أدفع شرهه أو إكراميه قال له سعيدان بس هذه رشوه و ممنوعه و لكنك
لو عرفت كيف تكيفها تصير أمر عادي و مسوح
وبالمناسبه هذه قصيده صوتية لمناحي و معاناته في الحصول على وظيفه
المهم دبلنا كبودكم هالحين عاد جاء دوركم أنتم
و إن شاء الله تقولووون
ولو عندكم ممنوعات مسموح به فلا تتأخرواء علينا ؟!
محبتي و مودتي