تبي الحقيقه والكلام المفيدي = من صد عنك ان جيت له منت رجال
والله لو شوفه يزود رصيدي = لو اصدفه ما قول له كيف الاحوال
فرقاه عيد وبعد ملفاه عيدي = والنذل تجمعه النذاله با الانذال
وانا يعوضني الاه العبيدي = في صاحب ما كل يوم على حال
صافي معي صفوة دخيل الوسيدي = الي مسجل في سجلات الابطال
اليا طلبته راي رايه سديدي= واليا مشينا خوته تطرب البال
ماهو عضيدٍ لي وحسبة عضيدي = وربا عضيدٍ لابا جدٍ ولا خال
ذي الحقيقه والكلام الاكيدي = والناس ذا مقفي وهذاك با اقبال
في كل يوم نشوف شكل جديدي = والشكل ما يضمن مضامين الاشكال