ياهاجس الشاعـر اللـي هاجسـه مايغيـب=سلم على الشاعر اللي حاظـر(ن) هاجسـه
وإن عاش وقت الشباب وطال عمره يشيـب=إمـا انكسـر خاطـره وإلا انـزّع واهسـه
ياهاجسـي لاتغيـب المجتهـد لـه نصيـب=اشـوّي ناصـل لنجـم الجـدي ونلامسـه
لاوالله امـرك يابوفيصـل شويـه غريـب=بالجولـه الرابعـه والجـولـه الخامـسـه
العام تـارد وتشـرب مـن جيـال القليـب=واليوم تبغى مطر فـي شمسـك الشامسـه
والاولــه ثانـيـه والثالـثـه ماتطـيـب=والرابعـه خامسـه والخامسـه سـادسـه
يالله عسى الظن في طير السعـد مايخيـب=إخـذ المشاكـل شـوي شـوي ومسايسـه
إن شفت طاسة عسل صافي وطاسة حليـب=وشنهـو اللـي يبـل حلوقـنـا اليابـسـه
لايمكن ان العـرب تامـن خطـرت اللبيـب=وام الكبايـر علـى درب العـرب جالـسـه
احلوقكـم يابسـه مـن قـو لفـح اللهيـب=والحرب ياحـرب مايصعـب علـى فارسـه
إن عـودت للخيانـه عيـب والله عـيـب=ياصاحبي شرهـة المرمـى علـى حارسـه
اليـوم هـذا حبيّـب بـس بكـره حبيـب=تـراك ماتجـهـل القـانـون يـادارسـه
صدقنـي انـك رهيـب ولابعـدك الرهيـب=السالفـه ماوراهـا إعـنـاد ومشاكـسـه
هذا هو اللي حصل مافيه شـك(ن) وريـب=ماتلبس الثـوب بعـدي غيـر انـا لابسـه
تراي انا لا لمست الجـرح يمكـن يطيـب=والسر لاساع فـي وسـط الحشـا حابسـه
احد(ن) براس الجبل واحد(ن) بوسط الشعيب=لاكــن قـدامـك المـيـدان يـافـارسـه