بسم الله الرحمن الرحيم
السلام عليكم ورحمة الله وبركاته
هذه محاورة بين الشاعر الكبير محمد السناني والشاعر معتق العياضي ::
معتق العياضي ::
ياهلا يامرحبا باللي حضرنـا عمـوم = والسنانـي يبـي ترحيبـة لحالـهـا
العرب من بعيد الدار تبغـى العلـوم = قلتهـا والسحيمـي قبلـنـا قالـهـا
محمد السناني ::
البقاء وأنت يالحربي تسـد اللـزوم = هـات ترحيبتـك ويجيـك رجالهـا
كلكم طالعوا بيـن القمـر والنجـوم = والمحطات الأخـرى قفـل رسالهـا
معتق العياضي ::
اللوازم كثيرة ميـر عنـدي عـزوم = مير بعض اللـوازم عنـدك اشتالهـا
أنت أشوفك تدافع ماتعـرف الهجـوم = والعرب وسط بابـك حطـت أقفالهـا
محمـد السنانـي
اشهد انك من التكميل منت محـروم = ميـر قـرب لنـا الدلـه وفنجالهـا
وش يحملك هم مـن كبـار الهمـوم = ماتطيح الطيـور الا علـى أشكالهـا
معتق العياضي ::
والله إنا رياجيـل الوفـاء والسلـوم = وكـل كلمـة ننزلـهـا بمنزالـهـا
قالوا انك يابن متروك رحت معـزوم = والمطيـة لعلـك تعـقـل عقالـهـا
محمدالسناني ::
نعم ياحرب من طيبة لـواد الجمـوم = أشهـد ان الصبايـا ربـت عيالهـا
رحت في ماقفي من دون حبة خشوم = مير شفت البضاعـه عنـد دلالهـا
معتق العياضي ::
ماعليك انت زود وجعل راسك يـدوم = والمقـاريـد فــال الله ولافالـهـا
البضاعـه عليهـا لاتحـط الوسـوم = شفت بعض العرب تدفعلـك أموالهـا
محمد السناني ::
يالله انك على عبدك لطيـف رحـوم = كـل ماجـات مـن حولـه تهيالهـا
في طواف الوداع وفي طواف القدوم = من بغى حاجـه كبـر وصـلا لهـا
معتق العياضي ::
لو يصيبك سهم من بين ذيك السهوم = ماتمـيـز بمخرجـهـا ومدخالـهـا
خل عنك الطواف وعد فوق الرجـوم = شوف يوم الـوادم ساقـت جمالهـا
محمد السناني ::
وجهك أبيض وطيب واسترح ومخدوم = النشاما عسـى الله يكثـر أشكالهـا
منقول من موقع الشاعر معتق العياضي