لو صبوا بجوفي مياه المسيسبي = وجابوا نهر دجله وفرات من صوبه
والعاصي جنب النيل في جوفي تصبي = ماتنطفي نيران بالجوف مشبوبه
على الذي حبيت واخلصت له حبي = خل ٍ بعد عِشره تنكر لمحبوبه
اللي سلب روحي ومن بعدها لبي = والسم من يمناه كاسات مشروبه
ياسيد أنا مجروح واحترت في طبي = والروح من بعدك يازين منكوبه
صبغت شيب الراس وأنا تو في شبي = وعن الهوى والحب اعلنتها توبه
بصبر على غلبي واجري على ربي = وانته مع الايام بتواجه عقوبه
من نشأتي رجل ٍ على الزين متربي = صاحبك لو ينضام ثوب الشرف ثوبه
مادور ارضاكم على احساب تلعبي = نفسي على المقفين ماهي بمغصوبه
لو للغلا نيران في جوفي تشبي = ودموع عيني فوق الاوجان مصبوبه
مره تذكرني بنهر المسيسبي = ومرات مثل النيل وفرات من صوبه