المشاركة الأصلية كتبت بواسطة علي الحصني

البارحه يو م انتحى اليل بهرت= صفر الدلال منشطات المضاريم
واقعدت راسي من عماسه وقررت = اغوص غبات البحور الملاطيم
وان كان غاب اسهيل للجدي سامرت = والبعد ما يقدر يرد المقا سيم
فتحت لي بابين ولباب سكرت = وعبر الثلاث محكم القول تحكيم
وانا ليامني على القاف فسرت = ابني حجر مارمم البيت ترميم
مااقول انا الكامل لوني تفاخرت = ياكثر ناسن للمعاني صواريم
والي دفعني يوم بالراس فكرت = اشوف فيه البيض كثر المجاهيم
هذا وانا من شوفهن ما تكدرت = وش عاد لو قالو ترا الشيب تحطيم
مالي مفرٍ عنك يا الشيب لو طرت = الزرع له منحاه والعمر له تيم
أنذرتني يا الشيب ولغيري انذرت = والله يوفقني لملت ابراهيم
مدام من كثر التجارب تخيرت = معلومةٍ منها تزيد المفاهيم
مع اكثر اصحابي لا مني تحيرت= زلت الشكوك بفعل ما قاله دليم