مقطوع الإرسال ياقابـل=والعذر أظنه عطل فالبرج
مير الوفا بيننـا واصـل=واللي يصلي لابد يحـج
معذار من عندنا حاصـل=وزعة ولاهوكلام وهـرج
مايلبس الحـق بالباطـل=ولايتبع اهل الدروب العرج
مقبـول عـذرك ولــك قـابـل=مـادام سيـرك علـى منـهـج
من بعدها القلب لك راسـل=فاللي سرىبود ولا أسرج؟
وافـــي ونعـمـيـن بالـقـايـل=ياللي على الطيب مايخرج
يوصـل لـكـم ردنــا عـاجـل=لابـــان لقـدامـهـا مــــدرج
نـزال فـي حيَنـا حايـل=حتى غـدا مننـا يـدرج
ولما تمكن طلـع مايـل=عن ودنا والوداد أبلج
من غير المنهج العـادل=ياصاحبي موقفه محرج
مافيـه مـن خوتـه طايـل=مادام كب الطريق وهج
ماكـان طبـعـه أبــد خـامـل=يمشـي عـدالـه ولا يـعـرج
واشي وشى بالردى عاذل=عـن خـوة الـود يالمخـرج
ان كان طيب ويستاهـل=حاول وشوف الذي ينتج
ولا بما عاملـك عامـل=وقفل على صحبته فالدرج