أنكسر عنق العروبه ونهدر دم الشجيع=وإنكتب حرف القصيده ياعرب وين الشجاع؟
في نهار أعياد الاضحى قالو الموت الشنيع=للزعيم اللي مسوي للعرب رعب ورياع
جابو القرم الصميدع بين نظرات الجميع=يشهر النظره بعينه يحكي القول المشاع
قيل حطو له قناعه قال صدام الرفيع=مايخاف الموت مثلي يلبس أمثالك قناع
قيل تشهد قال أنا اشهد ربي الرب السميع=والرسول محمد اللي جاء باالأمر المطاع
قالها يشهد بربه أرتجف منها الرضيع=وكسّرو عنقه أمام الناس في كل البقاع
وأرتخى عنك الصميدع وانتهى كل الصنيع=ماأرتجى منهم صنيعه ماأرتجى منهم شفاع
ياعرب وين العروبه وين مقضاة الصريع=ضاع حاكم للعروبه وش بقى نبغى ضياع