آنا اتحراك من مده=ترحيب باهل الوفا المخبور
من نوركم نوّرت جده=حتى البحر زاد نوره نور
تكميل ياراعي السده=عسا البقا ماعليك قصور
ترحيبكم ماالتقي قده=ياراعي المنزل المعمور

يامرحبا زان ملفاكم=بوجودكم فرحنا في زود
ياصحابنا طاب ممشاكم=ياهل الوفا والكرم والجود
نبذل عزيمه ونرجاكم=ونبغى الإفاده مع المردود
عسا البقا زان مبداكم=أوفيت ياطيب الممدود
اليوم حنا لفيناكم=ولابد للصادرات ورود
وحنا نتشرف بشرواكم=لكن وقت العرب محدود

سلام طيب ووفا مبداه=في حضرة اهل الوفا حاضر
قدّام لانبتدي معناه=اللي من حروفنا صادر
ترحيب والطيب سجلناه=للي حضر واسعد الخاطر
واللي يجيد المثل وبناه=مايقصره فالمثل قاصر
مايستمع فاللذي قلناه=عنيد مغرور ومكابر
في كل الاحوال ماشيناه=لكن عن خطنا ظاهر
شوف السبب فاللذي سوّاه=إن كنت ماشي على الساير
أما لقي له أحد طغّاه=ولا أساس الأمر باير
الكل شاف الذي شفناه=لايُنكر الحاضر الناظر
لكن يمكن بليس اغواه=وابليس ياصاحبي شاطر
ابليس ماهو عذر نقراه=ونسامح الماكر الغادر
خليك صوب الهدف وابراه=وان كان عندك جهد غامر
قوّلتنا قول ماجبناه=واصدرت حكمك على الظاهر
واللي من الحرف أملناه=قفّا خياله بلاماطر
لاواخساره على المجراه=لاغاب عنها رجل فاسر
واقول واقسم قسم بالله=صابر على الشاعر الناكر
العلم واضح وبيناه=إن كان تفهم على الطاير
واستغفر الله لاتنساه=حلفت ياصاحبي فاجر
طول المجادل معك ما ابغاه=والرد مـن جانبـي نايـر
شفنا حصيلـك وصورنـاه=في معمعة مـا لهـا آخـر
بكرة تجي للحـوار قضـاة=وتشوف مين الذي خاسـر
وآخر كلامي بختـم مضـاه=كلاً حسب منطقـه شاعـر