ألآ ياقاف لا تبّخل عليّه=وطيّب خاطري صبح وعشيّه
تداعي ياهجوسي بالقصايد=وردّي ياللحون السامريّه
مدام القاف في مدح الخوالد=هْل اليقاف وأهل الشاذليّه
رجال(ن) يكتب التاريخ عنهم=مفاهيم الحروف الأبجديّه
هْل الطالات في ماضي وحاضر=مهابة قوم وعزومٍ قويّه
غزايزهم ورى الصمان ترعى=بحد السيف ماهي عنجهيّة
وليامن الوغى دارت رحاها=ورمح القوم من فوق المطيّه
عزايمهم على حوض المنايا=تبا ترسي كما هضبة طميّه
خوالد ذكرهم بالطيب خالد=من ايام العصور الجاهليّة
وخوتهم شرف والشاهد الله=ليامن الردي خلّا خويّة
وأنا لا شفت شجعان الخوالد= أفزّ ألهم وادق ألهم تحيّه
=عادل العتيبي