المشاركة الأصلية كتبت بواسطة الشلياني

انا لي زمان" وقتي الشين كابتني=كما يكبت القناص طيره لمقناصه
ليا جيت لي مجلس هواجيس نابتني=وخلت جموع الفكر تربيع ونصاصه
هواجيس لا جتني على الغم جابتني=وخلتني آغني على قاف فراصه
وأنا ماكسر متني صواديف صابتني=أنا اللي كسر متني صواحيب قراصه
صواحيب ملعونه ليا جيت حابتني=واذا اقفيت لصغارالعراقيب فصاصه
لهم وشة" لاعسعس اليل رابتني=ولهم عادة في طرقة الصحب وحواصه
لياا غبت تبهتني واذا جيت هابتني=واذا أغفلت لعروق الشرايين مصاصه
فعول الردى فيهم ولاهيب طابتني=وفعل الردى فالرجل عيبه ومنقاصه
وانا افعالهم ماجات فيني وعابتني=ولكن في كبدي على الرخم رصاصه
ليا شفت نذل القوم بالصدر ذابتني=شقا لومه أتزايم به الحر بقفاصه
وآلا يادهر يكفي مواريك شابتني=تمهدت لي درب" وانا أمسيت قصاصه