السلام عليكم ورحمة الله وبركاته
قصيده لم تكتمل !!
جيت المكان اللي حضن سيد الذات = وأعلنت من بعده وقوف المسيره
ساعه قلم وهناك بعض العطورات = شيله ومشطٍ فيه ذكري الظفيره
مصحف وبعض أوراق فيها عبارات = وديباجها المخمل يواسي سريره
حتي دروجه والقلايد حزينات = وشماعته من بعد لبسه كسيره
سال الكحل مثل الدموع الغزيرات = وشناطها تبكي صغيره كبيره
فتحت دفترها علي ذيك الأبيات = فيها تقول أهواك وروحي أسيره
وأجاوب أوراقه من إحساس هالذات = وأقول ياموطن هواي ومصيره
صرت أتخيل صورته في المرايات = اعتب وأسامح وأشتكي يا ضميره