ياجرح لاتجرح الخفاق وتودع=خلك بروحي وسامر جرحي الباقي
لاغبت زدت الهموم وخافقي ولع=تطري عليٌه ومنك الحزن ينساقي
مليت ياوقت فيك الصبر ماينفع=قدام باب الأمل واقف على ساقي
أذكر زمانن مضى في حبنا يسطع=واسمع صدى صوت حزني داخل أعماقي
جريت صوت القصيد وليت له يشفع=أسامر الليل وأتبع جوه الراقي
ياليتها عن دلعها ليتها تقنع=وترحم خفوقن لها ظامي ومشتاقي
في وصفها في حلاها زين متجمع=ومناسبه في غنجها كل الأذواقي
ليت الزمن يذكر الماضي وله يرجع=وأحرر أوثاقها وتحرر أوثاقي
من قبل سيف الغلا من بينا يلمع=ومن قبل لايصيب قلبي حبه الشاقي
وكلن يعيش الحياه اللي لها يطمع=وتعود حريته وارتاح بفراقي