المشاركة الأصلية كتبت بواسطة مضحي بن جمران

قال مضحي ومبدا القول قال السلامي=ياسلامي على اهل الملتقا والتحيه
قوم ياقابل البشري رفيع المقامي=سم لي من جمعنا دون روحه وجيه

المشاركة الأصلية كتبت بواسطة قابل البشري

مرحبا مرحباياللي بديت الكلامي=وانت شرواك يامضحي عزيزن عليه
ذاك رجال مشيه حسب علم ونظامي=لن صدفته هناك ولن صدفته هنيه

المشاركة الأصلية كتبت بواسطة مضحي بن جمران

البقاء والهدف صبته على البعد رامي=جعل ماتهون ياحر(ن) كفوفك نديه
اعرف ان الحلال يحل وزن الحرامي=خذ حلال(ن) يجوز وخل عنك البقيه

المشاركة الأصلية كتبت بواسطة قابل البشري

العفوماعليك نزود يابن الكرامي=ياعميل تحلى بالصفات الصفية
الحلال المحلل مطلب اهل التمامي=ومن يعرف المصيبة ماوقع فالخطية

المشاركة الأصلية كتبت بواسطة مضحي بن جمران

كل مخلوق له يالقرم شف ومرامي=ومن يطاوع هواء نفسه تراه الضحيه
التزم واجبر اللي له عليك ألتزامي= كل راعي منشد عن صلاح الرعيه

المشاركة الأصلية كتبت بواسطة قابل البشري

من تحرص فهذي يالخوي مايلامي=ومن تباعد رجع لايامنا الجاهليه
ميرراع البصيره ماوقع فالظلامي=وسط المسالة مابين هاذي وذيه

المشاركة الأصلية كتبت بواسطة مضحي بن جمران

لابقيت العلوم بطوكيو مع ميامي= دق زره وتلقاء قدمك النار حيه
مبتقى يالسنافي كل رجل(ن) عصامي=وامدح اللي جمعنا مع رجال الحميه

المشاركة الأصلية كتبت بواسطة قابل البشري

ذي قريه سكنها من جنوبن وشامي=احديبغى الجميلة واحد يبغى الردية
والبلا يارفيقي فاختلاف الاسامي=لين ماعاد نعرف ورعها والبنية

المشاركة الأصلية كتبت بواسطة مضحي بن جمران

كل طيب ياقابل ماعليه اتهامي = مير بعض الخلايق ابو عشرين نيه
صح هداج جمه مروي(ن) كل ظامي=مير بعض الضوامي ضاع فالمهمهيه

المشاركة الأصلية كتبت بواسطة قابل البشري

راعي الطيب دايم مشيته بانتظامي= مايهمه كثير ولايهمه بليه
وكم من واحدن غرته روس النوامي=والبلا والجلا فالعله الداخليه