المشاركة الأصلية كتبت بواسطة فواز الزويهري

مادام فيك الوفـا مجمـوع=أجيـك لــو ضــد رغبـاتـي
خذنا على جدول الاسبوع=آنــا وطيـبـي وكـسـراتـي
حياك ربي ولنا مشـروع=في لحن فيه النغم ذاتـي
إبداع فوري على المطبوع=والناس تشهد نقا أبياتـي
اشوف لي شي فالموضوع=تاخذ مثل والردد ياتـي؟
مااريد غير الوفا منفـوع=في روحتي وكل جياتـي
غرس الوفا بيننا مزروع=أشكرك ببـداع همَاتـي
والعاج ياصاحبي مرفوع=مادم بالفـن صولاتـي
بين ابتسامه وبين دموع=لقيت فالسوق حاجاتـي
الكم زايد وقَـل النـوع=عندك خبر عن عباراتي
بوجود مثلك لنا مطمـوع=في رونق الحرف راحاتي
والبخس ياصاحبي ممنوع=وحرف الغلا له شهاداتي
سلعة ومّداحها مدفـوع=تخاوي الزيف ليلاتـي
فالوزن ماتكمل المجموع=كيف العمل؟مع تحياتي
أفتيك حسب الذي مشروع=في سنـة الفـن بثباتـي
بيع الخطا عندنا مرجوع=ولتاجر أرسل نصيحاتـي
اللي يروج لها بخضـوع=جايـر وجلابهـا عاتـي
وش دبرة مروجين الجوع=افيدنـي فـاستشاراتـي
الذوق ماله حكـم مقطـوع=ولا املي على الناس اراداتي
ياكيف تحكم على المشفـوع=دام الأصـل غيـر متواتـي
لاتعم صوتي وصل مسموع=ومبيـانـاتٍ كتـابـاتـي
لاني بخـادع ولا مخـدوع=على الوفـا دوم راياتـي
إبـلـيـس مابيـنـنـا مـقــروع=ماخلفت يالحـرف وجهاتـي
المسـألـة للمعـانـي فـــروع=وحسب الحدث بنظم أبياتي
بياع دلال والمبيوع=والسوق ... هذي اشاراتي
وردتك لصافي الينبوع=اشرب ... وشوف اتجاهاتي
كاس الهنا قبلكم مجروع=وياليت تقـرا رسالاتـي
القصد سامي ولك مذيوع=والطيب فالسوق عاداتي
مدّاح لكن .. ردي طبوع=تكلمي ... يا مقالاتي
ياحكم واشكالها منزوع=والا بقفل ملفاتي