راح الهوى وانتهى جوشه = في عهدتي ما بقاله شئ
لكنّ ذكراه منقوشه = في القلب تجرح و تشوي شئ

عيني على من عشق يا زين = ما شاف من يمكم رحمه
أمسى معوّد بخف حنين = و يده على موضع اللطمه

لي في المحبه قياس و راي = فيما يفسر معانيها
مثل الانامل تداعب ناي = بأنفاس و اشواق راعيها

يا ليت ون البخوت تباع = و أبيع بختي بما جابه
ما دام للمصلحه مبياع = مالي بلاماه و أنشابه

لمحت أقله عساك بخير = لكن ما فسر المعنى
عودت أقله عكست السير = وشبك على لزمة اليمنى

أهل الهوى في الهوى غرقا = أضناهم اللي يعانونه
من لوعة الهجر و الفرقا= الموت ما عاد يخشونه

ايام زلت بلا ترشيد = ضاعت من العمر باكيها
و ايام فيها بلا تجديد = شابت كما شاب راعيها

في صحوها و السما زرقا = رسمت له صافي الصوره
و اليوم صمم على الفرقا = أقفى جفا و اختفى نوره