كان الحويفي يشتكي قلة الحيل = يشك السنين ويشتكي كبر سنه
هذا الدهر ياسيد كل الرجاجيل = كم واحدٍ قبلك سنينه وطنه
ذياب تضرب فيه بعض التماثيل = به منك وصف وفيك يابدر منه
يامفني البن الحمر واخضر الهيل = بالنجر قدام النشاما تدنه
وللضيف والجيران تذبح من الحيل = كم كبش مصلاحٍ تجيبه تقنه
وهذا قليلٍ من كثير ا لمفاعيل = ماانته ولد زنٍ خشير للزنه
وارجو السموحه كان بالقيل تعديل = حيث الكلام الزين عندك مغنه
نواف وجه للحويفي تماثيل = ابيات جوال الحويفي ملنه
طلع علينا صاحبي طلعة سهيل = واظن مامن فرق سني وسنه
وانا ماودي يرفع الصوت بالحيل = اخاف خدرات النظر يسمعنه
وعنا يصدن عقب ماهن مقابيل = وبعد القصايد سرنا يكشفنه
وعلى القصايد يضحكون المهابيل = والحاقد اللي زيف الاقوال فنه
خص الهبود اللي يحب الطهابيل = قد نم فينا ينسب العلم عنه
جتنا النميمه مع صحيبه بتسجيل = وعرفت غاية قلبه اللي يكنه
يابن الرجال اهل السيوف المصاقيل = اهل المهار مكاضمات الاعنه
اللي مراجلهم على الهجن والخيل = وشلفن ليازام الخصيم اردعنه
اهل البيوت اللي بها البن والهيل = والضيف دوار الشبب يجذبنه
يقلط على الخرفان ومفطح الحيل = والجار هو والمحتري يشبعنه
ذكرت موجز من فعول الرجاجيل = والمدح لابطال المضايين سنه