المشاركة الأصلية كتبت بواسطة علي هليل الحربي

يا كثر مااشوف الخطى واتغاضـى=من بعض ناس ماتميـز غلطهـا
كله حياء ماهو عجـز لا تقاضـى=ولي رفع سبـع وسبـع بسطهـا
لكـان مـادام أنهـا تنتعـاضـى=أحاول اصبر وأتجاهـل سقطهـا
ما ني على العوجى كثير المحضى=ولا استقبل الزله منااللـي لقطهـا
ولرد نفسي لنفـوس المراضـى=خطوى الضعوف اللي قليلن حبطها
اللي تزاعل كـل يـوم وتراضـى=من شاف غلطت صاحبه ما زرطها
يومن به أصحابن ويومن بغاضى=أوادمـن ينعـاذ ممـا سخطـهـا
حلوين الألسن والضماير غراضى=مخبث نواياهـا ومكثـر خططهـا