ياسلام الله عليكم عارفين اللي يعينه=دام مضحي بالملاعب ماتغير عن مكاني
قوم ثم هات الخبر والناس ماهم جاحدينه=وقتنا محسوب والدنيا عليه بالثواني

مرحبا مديت يمنايـه لمـن طـرف يمينـه=والجزيل اللي مثل شرواك ياسهيل اليمانـي
من رضا الطيب رضايه ياعساء تبطي سنينه=قمت اسابق عقرب الساعه بجزلات المعاني

البناخي مثل شيكٍ فالملاقا دافعينه=يوفي الديان حقه مايبا فيها عواني
انت ليه تمر دربي يوم كنا تاركينه=كن ودك فالدروب الاوله والعلم جاني

البناخي مثل خاله يوفي الديـان دينـه=وترك اللي عشرة ياخال ترجع له ثماني
والبناخي مايعلم الغيب وش خافي جهينه=زلت الاقدام ولا ربع زله مـن لسانـي

الدداسن وقفت والجمس حنا سايقينه=هذا هوه حيلها والجمس ماهو بهبهاني
ابو احمد كد نهاني عن مجاراة لقرينه=قال هذا دربهم والدين والدنيا هواني

انتبه ثم انتبه ياحسين من سبقت دخينه=يم حتفه عجلت زوماعها بنت العماني
الثمين من المكاسب جعلنا من كاسبينه=الدروب اليسر مانخبر عشقها مودماني

الحرامي ياحمول الخيل يجذب في كمينه=جات منكم جات منا خلها فالدرب ثاني
عارفين الدرب ماحنا عليكم قاطعينه=والقليب اللي تبيها ماوضعت لها سواني