المشاركة الأصلية كتبت بواسطة نداء الغيداني

إن كان تنشد يا نداء عن جديدي=خذ القصيده وإقرها لا عدمنـاك
مابه جديدٍ كـود علـم وكيـدي=لك بالوفاء ياللي فعلته بيمنـاك
يا وافيٍ عبرت لـك بالقصيـدي=عشرة عمر مايوم شانت مزاياك
دايم وهقواتـك لشـئٍ بعيـدي=للطيب دايم سير رجلك وممشاك
صداقتك ماهي بوقـت وتبيـدي=والله ماني قادر أصبـر بليـاك
مالي مصالح كود رفقة عضيدي=ياكاسب الطيب لطيبك كسبنـاك
والله ما اعبر واقول النشيـدي=أبغى مصالح منك ياجعلي فداك
إلا أفتخر في رفقتك يا سنيـدي=لا والذي يعلم خفاي وخفايـاك

يومٍ لفا برسالتك يوم عيدي=هلت هماليل الفرح عقب الادراك
وكتبت لك ياللي بشعرك تجيدي=يالشاعر اللي عندك الهام وادراك
ردٍ على جزل الكلام الفريدي=اللي وصلني منك يحمل هداياك
جزل المعاني ماتجيب الزهيدي=جزلٍ بمنطوقك وفعلك ومعناك
حكيم ومحنك ورايك سديدي=وكل العلوم الغانمه ماتعداكِ
يالله عساك تعيش عمرٍسعيدي=ياطيب الرفقه عسى الله يحماك
ويالله عسى عمر الصداقه مديدي=بين الرجال الطيبه مثل شرواك
ياللي عن دروب الوفاء ماتحيدي=هذا دليل اصلك وساسك ومنشاك
حبل الصداقه ياابو بندرجويدي=ماينقطع لو حاول عداي واعداك
تبقى رصيدلي وانا لك رصيدي=جعلك تدوم اليا بغيناك
وانا رفيقك بالزمان الشديدي=اسلاح ماتعطيه يمناك يسراك
نافي مع الوافي وقدره يزيدي=وتافي يابو بندر مثل ماعهدناك
امدحك يالوافي واكرر واعيدي=ولو ما انت كفوٍللمدح ما مدحناك