إن كان تنشد عن علومي وأنا صبي=ابـى تذكرهـا واعلـمـك عنـهـا
لوهي بصفحات ٍ طواها الزمن طـي=جرة مطر جاهـا عجـاج ودفنهـا
ألعب طواريق الهوى مع هل الغـي=اثقـل المعنـى واخفـف لحنـهـا
والشعر يبقى في قلوب العرب حـي=ولا كل من جاب القصيده تكنها
وأنا حداها حدي الاصعـاب بعصـي=واقودهـا قـود الاديـب برسنهـا
والحب مردوده على صاحبـه سـي=كم ضحكـة ونَـات قلبـي ثمنهـا
أذكر سنة تسعه وتسعيـن هجـري=الف وثـلاث ميـة بدايـة زمنهـا
زلت بي الاقدام للشمـس مـن فـيَ=اقـدار والاقـدار تومـر وتنـهـا
غافل وجتني من كوت خافقـي كـي=كيـة عطـب لـولا طبيـب مكنهـا
أبعدت مضربها عن الصـدر بيـدي=ولدَت على كبـدي برمـح طعنهـا
وعرفت ما تخفيه في صدرهـا لـي=من واقـع النظـرات منـي ومنهـا
نظرت فيهـا مثـل نظراتهـا فـي=وعجزت اقاومهـا وصديـت عنهـا
كل النساء ظلماء وهي بينهن ضـي=غطت شعاع الشمس أشعـة بدنهـا
من الذهب تلبـس خلاخيـل وحلـي=سـود محاجرهـا وحمـر وجنهـا
ما دري تسمى من ومنين ومـن أي=وش هي قبيلتهـا وموقـع سكنهـا
راحت وانا مااعرف عن اخبارها شي=الا رمـوز الموتراللـي حضنـهـا
مدينة من بيـن ابـو ظبـي ودبـي=لعلهـا كـان انهـا هـي وطنهـا
تمطر عليها السحب هـذي ورى ذي=وديم الليـال اقفـى تراهـا ودنهـا
=الشااااعرالعلم/عبدالله بن زويبن العمري الحربي