|
|
إليه هو وهو فقط ...
ياعزوز احبك حب خارج عن المألوف
هنا في ثرى صدري وصدري ربيع وريف
أحبك وحبّك مايبي له قَسَم وحلوف
وحبك ياروح الروح أكبر من التعريف
يامصباح عمري شوفني كالفراش اطوف
على نور بسماتك ووجه السنين امخيف
ياأجمل طفل بالكون ليتك تدش الجوف
وتشوف الغلا اللي لك ويصعب على التوصيف
أنا من كثر حبّك لِعِب في حشاي الخوف
تِكَتّف هو اجيس يدين الفرح تكتيف
إذا غبت عن عيني نزل دمعها مذروف
بكت من غيابك وانت لك في سناها طيف
وإذا جيتها فَرْحَت وطابت وزان الشوف
ومزاجي يروّق ياغلاي ويطب الكيف
تغنّي شفاهي وانت تصفق لها بكفوف
بكل البراءه يالحون الشتا والصيف
أنا لو يموت القلب والعرق والغضروف
بقت لك هنا روحي معزّب ووحدك ضيف
بصدري تزيد الأه يابسمتي والأوف
أخاف الزمن فجأه يجرّد عليّ السيف
وياخذك منّي وَقْتَها ماَعَمَل معروف
زماني معاي وزادني ظلم /جور/وحيف
خدودي ورق ودموع عيني تصير احروف
بألّف لاجل عينك قصيد الغلا تأليف
أنا في غيابك ياغلاي اشبه المكفوف
زمانه عذاب ومارجى بالزمن تخفيف
حبيبي تعال ارقد على صدري الملهوف
بَعَطّرك بانفاس الغلا الصدق مابه زيف
حبيبي تعال وناظر ال(لوني المخطوف
قتلني غلاك وصرت عنق وغرامك سيف
أحبكَ حتى الممات ...
|