المشاركة الأصلية كتبت بواسطة زيد بن مبشر الحصني الحربي

سلام يانوماس راسي وتاجه=سيفي يابو مشعل ياعلي الهليل
يقولها اللي فيك وصفت علاجه=من واقع المعقول ماهو تخيل
وجهك يبشر بالسعد بالمواجه=على النقا ماهو بزيف وتحيل
اليا جيت له مرفوق يضحك حجاجه=كلمة هلا والعود قدم المهيل
تدري وش اللي لك على أقل حاجه؟=بعيوني أثنتين ماأنته قليل
واللي يبي يرفع علي إحتجاجه=اقول عرق اراك ياعرق ثيل
بعض المجامل يابو مشعل سماجه=ماأخيل برقٍ ناوته ماتسيل
والصاحب اللي أدراه مثل الزجاجه=لابد من يومٍ يجيب الحصيل
قلبي على فرقاه ماأعلن خلاجه=جعله ثلاث إميه جنوب السليل
بجوٍ خلى بس يتصافق عجاجه=يمسي ويصبح مثل غزوة عقيل