ياقلب عذر عن مخاوي سروقه=إن كان تسمعني وتأخذ كلامي
مالك ومال اللي يغير طروقه=اللي كما غصنٍ خفيفٍ يوامي
ماكل نوٍ لو بدن لك بروقه=عذبٍ قراح وماطره في الوسامي
ترى المطر في الصيف ماله دروقه=لو خالك في سد غزر الجهامي
إن هل وبله مايبلل عروقه=واليا انقشع عقَّب كثير العسامي
ولا كل يومٍ لو تزاها شروقه=يصفي سماه ومكتسي بالسلامي
ولا كل حالي لو عسل سدر فوقه=شربه زلال اليا استقر في العظامي
ولا تحتزم باللي يخسرك سوقه=عند المراجل لا تحطه حزامي
ولا تجاري الا من ينومسك ذوقه=مثل الزغيبي أو رشيد الزلامي
هذا كلام اللي زرع دخن دوقه=ولف المصدع واحتزم بالحرامي