كتبت الشعر نزف المشاعر ونار ونور = ليا ضاقت الدنيا بكت دمعي أقلامي
جعلته سماً تمطر على الخاطر المكسور = جعلته هو الدرب الذي تسلك أقدامي
كتبته حزن لا ما كتبته ترف وغرور = كتبته مواقف تاقف بموقفً حامي
ألا يا قصيدي واعتبر شاعرك جمهور = وعطني من إبداعك قبل تقضي أيامي
ترا هالزمن عـذ ّب خويك ثلاث شهور = نسيت بسببها ما حصل بأفضل أعوامي
ثلاثٍ مضت فيها عرفت الضما والجور = ولو تمطر غيوم السما صاحبك ضامي
ثلاثٍ مضت فيها عرفت العمي والعور = ليالً كوتني كي بالميسم الحامي
ثلاثٍ بها كلمه ... ودمعه ... بدون شعور = سببها عرفت إني ثقيلً على عظامي
شكيت الحزن دام الحزن يكشف المستور = رماني زماني واشهد إن الزمن رامي
ألا يا قصيدي وان بكى صاحبك معذور = ترا جرحي اللي قد برى عوّد الدامي