ياأستاذ درسك لو يبي يفيد فادك = وشفناك تنقل في يمينك شهادتك
أن كان عندك ملح خله لزادك = واحفض دروسك كلها في حقيبتك
أ عرف مرادي وانت تعرف مرادك = قدام تنقد مشيتي شوف مشيتك
جاهدت وقتي ما حسبت لجهادك = ارفع علمك اللي به اشعار دولتك
درست ونته با قين في مهادك = تجاربناً مرت عليه وفاتتك
الوقت لاونه يبيض سوادك = عرفت ميقافك وثبت خطوتك
برد مدام ا نك بحزت برادك = مانته بسايق نا قتاٍ غير ناقتك
ون ضاع من بين الاشده شدادك =لاتعزي بشدلد جدك وجدتك
دقق وسدد قبل تضغط زنادك = وان طاح نيشانك تسجل علامتك
ثم ادخل المضمار وأشعب جوادك = اما تحدا الناس ولا تحدتك
هذا الكلام ولايطول عنادك = وسلامت اللي يسمعون وسلامتك