المشاركة الأصلية كتبت بواسطة خالد الحصني

مساء الخير يا اجمل مساء يا زهرة الازهار = مسا احلا من البسمه على شفة سعوديه
يناغمها الطموح وتعشق الخيال والمغوار = وتاخذ كل مابا الكون من عفه وحنيه
يداعبها الخيال المستهيم وتستحي وتغار = تحسب ان الخيال يلمها ويجيبها ليه
الا يا بسمة الصبح الخجول ونفحة النوار= عليك تموت شرهات الطموح وتنوي النيه
تعال الملم اوراق الخريف الي من الاشجار = تساقط كنها اسنين العمر تسقط حوليه
تعال ولم جرحي با الحنايا فوق جمرالنار= تراي من الجفا بردان والحاله رمنسيه
تعال انبيح اسرار الجروح برحلة الاسرار= وتبقا رحلة الاسرار با الاسرار مخفيه
على نوع الحياه الي عشقها ما غدا محتار= من احدود الهلاك الي بلغها فيه ماريه
رضى الله عنه عمر ما يقبل الذله على احرار= اجل من يخلق الانسان ما يعطيه حريه
تباشير الفرج تذكر وحنا نكثر الاذكار = مع الي جابوا التمن وجابو معه صقعيه
رياحٍ وجهها غربي ولا ندري متى تندار = ولا يلقا ا الحياه الا شعوب العالم الحيه
جديد الغرب يبهرنا وحنا نعشق التكرار= اذا ما هو سعيد العام جانا مبارك اوخيه
يضحكني غلا البترول ويزعلني غلا الاسعار= ومشافيح التجاره ما بهم للناس ماويه
اعيش ابمملكة بلقيس ومسور علي اسوار = على اكبر كنز با العالم ولا املك شي بيديه
يطير الهدهد المسكين ما يلقا وراي اخبار= وعلى درب المدار اتدور با الافلاك دوريه
شحب وجه البيب وطاف الهرجه على الثرثار= طلع فيها فهيم وغير الموضوع والنيه
ربيع العمريرسلي نذيره والسنين اعمار = وطالت رحلتي ماشفت لا هذي ولا ذيه
اسلي خاطري عن عقم وقتي واقبل الاعذار= اقول الخيرة الي في خفايا الوقت مخفيه