في شاعر المعنى تذكرت صياف = فلاح ذكرني بطير الفلاحي
بالصوت والالحان وبطيب القاف = لين الامل قدام الاعيان لاحي
نجم (ن) قض دوره عقب بالسماء طاف = ونجم (ن) بدا نوره وللهم زاحي
السيل يمشي مع مجاريه ويشاف = ويجيك من عد القراح القراحي
يا الله عساء الفردوس داراً للاسلاف = والحي دايم من نجاح النجاحي
وحنا معه ياحرب في كل ميقاف = اسلاحه اليا حان وقت السلاحي
وعلى الله المعبود تحقيق الاهداف = والادامي مطلوب منه الكفاحي